पुणे दि. 28 : आज सकाळी सुमारे ८:४५ वाजता पुणे जिल्ह्यातील बारामती विमानतळाजवळ एका चार्टर्ड विमानाचा भीषण अपघात झाला. यात महाराष्ट्राचे उपमुख्यमंत्री आणि राष्ट्रवादी काँग्रेस पक्षाचे वरिष्ठ नेते अजित पवार यांचा आणि विमानातील इतर पाच जणांचा मृत्यू झाला आहे.
विमान मुंबईहून बारामतीकडे जात असताना लँडिंगच्या प्रयत्नात नियंत्रण सुटल्याने धावपट्टीबाहेर जाऊन ते कोसळले आणि लगेच आग लागली. अपघातात कोणाला वाचण्याची संधी मिळाली नाही.यात अजित पवार, दोन पायलट, एक वैमानिक, एक सुरक्षा रक्षक आणि एक सहाय्यक यांचा समावेश होता. सर्व प्रवासी घटनास्थळी मरण पावले.
पवार बारामती येथे जिल्हा परिषद निवडणूक प्रचारासाठी जात होते, अशी प्राथमिक माहिती मिळत आहे, आणि दुर्घटनेचा तपास सुरू आहे.या दुर्दैवी घटनेनंतर महाराष्ट्र आणि देशभरात राजकीय वर्तुळातून व नागरिकांतून शोककळा पसरली आहे, तसेच पंतप्रधान आणि इतर राजकीय नेत्यांनी श्रद्धांजली वाहिली आहे.