पुणे दि. 30 : मुंबई महानगरपालिका (BMC) निवडणुकीसाठी महाराष्ट्र नवनिर्माण सेनेने (मनसे) ३० डिसेंबर २०२५ रोजी उमेदवारांची पहिली अधिकृत यादी जाहीर केली आहे. यावेळी मनसेने शिवसेना (उद्धव बाळासाहेब ठाकरे) गटासोबत युती करत महापालिका निवडणुकीत ताकद दाखवण्याचा निर्धार केला आहे.मनसेच्या पहिल्या यादीत एकूण ३३ उमेदवारांचा समावेश असून, पक्षाच्या जुन्या निष्ठावंत कार्यकर्त्यांसह काही नवीन आणि तरुण चेहऱ्यांना संधी देण्यात आली आहे. विशेष म्हणजे या यादीत काही अमराठी उमेदवारांचाही समावेश करण्यात आला असून, मुंबईतील सर्वसमावेशक मतदारांपर्यंत पोहोचण्याचा मनसेचा प्रयत्न स्पष्ट दिसतो.
मनसेच्या पहिल्या यादीतील प्रमुख उमेदवारयशवंत किल्लेदार – प्रभाग क्रमांक १९२ (दादर)पारूबाई कटके – प्रभाग क्रमांक १८३रूपाली दळवी – प्रभाग क्रमांक ८४सत्यवान दळवी – प्रभाग क्रमांक १०६संदेश देसाई – प्रभाग क्रमांक ६८सविता माऊली थोरवे – प्रभाग क्रमांक १५०सुधांशू दुनबाळे – प्रभाग क्रमांक १५२शबनम शेख – प्रभाग क्रमांक ८१भाग्यश्री अविनाश जाधव – प्रभाग क्रमांक १३३विजया गीते – प्रभाग क्रमांक १२९ निवडणुकीचे महत्त्वाचे टप्पेउमेदवारी अर्ज भरण्याची अंतिम तारीख: ३० डिसेंबर २०२५मतदान: १५ जानेवारी २०२६निकाल: १६ जानेवारी २०२६पहिल्या यादीतून मनसेने संघटनात्मक ताकद, स्थानिक कार्यकर्त्यांचा अनुभव आणि नव्या चेहऱ्यांचा समतोल साधण्याचा प्रयत्न केल्याचे राजकीय विश्लेषकांचे मत आहे. उर्वरित उमेदवारांची यादी लवकरच जाहीर होण्याची शक्यता आहे.