पुणे दि. 28 : D2M (डायरेक्ट-टू-मोबाइल) हे अत्याधुनिक प्रसारण तंत्रज्ञान आता डिजिटल जगतात नवं पर्व उघडणार आहे. या तंत्रज्ञानामुळे इंटरनेट, मोबाइल डेटा किंवा Wi-Fi शिवाय थेट मोबाइलवर टीव्ही, व्हिडिओ, ऑडिओ आणि विविध मल्टीमीडिया सामग्री पाहता येणार आहे. एफएम रेडिओ किंवा DTH सेवेसारख्या पद्धतीने काम करणारे हे तंत्रज्ञान मोबाइलमध्ये असलेल्या विशेष रिसीव्हरमार्फत थेट प्रसारण सिग्नल उपलब्ध करून देते.
मर्यादित मासिक शुल्कात अमर्यादित डेटा व व्हिडिओ सामग्री देण्याची क्षमता असल्यामुळे हे तंत्रज्ञान भविष्यातील डिजिटल कनेक्टिव्हिटीसाठी अत्यंत महत्त्वाचे ठरणार आहे.
D2M तंत्रज्ञान कसे कार्य करते?
हे तंत्रज्ञान ब्रॉडबँड + ब्रॉडकास्टिंग यांच्या संयोजनातून काम करते.
टेरेस्ट्रियल ब्रॉडकास्ट सिग्नल हवेमार्फत थेट मोबाइलला पाठवले जातात.
FM रेडिओप्रमाणेच, मोबाइलमधील रिसीव्हर रेडिओ फ्रिक्वेन्सी पकडून कंटेंट दाखवतो.
विशेष रिसीव्हर मल्टीमीडिया सामग्री थेट फोनवर प्राप्त करून इंटरनेटशिवाय व्हिडिओ स्ट्रीमिंग शक्य करतो.
D2M तंत्रज्ञानाचे फायदे
इंटरनेटशिवाय सामग्री उपलब्ध
अत्यंत कमी खर्चात अनलिमिटेड व्हिडिओ/डेटा
कमकुवत इंटरनेट असलेल्या भागातही सुलभ सेवा
ब्रॉडबँडवरील भार कमी, डेटा वापरात बचत