पुणे दि. 19 : राज्यातील राजकारणात महत्त्वाची घडामोड घडली असून आमदार प्रज्ञा सातव यांनी काल अधिकृतपणे भारतीय जनता पक्ष मध्ये प्रवेश केला. मुंबई येथे झालेल्या कार्यक्रमात भाजपच्या वरिष्ठ नेत्यांच्या उपस्थितीत त्यांनी पक्षप्रवेश केला.
पक्षप्रवेशावेळी प्रज्ञा सातव यांनी भाजपच्या विकासाभिमुख धोरणांवर विश्वास व्यक्त केला. “राज्य आणि देशाच्या सर्वांगीण विकासासाठी भाजपसोबत काम करण्याचा निर्णय घेतला,” असे त्यांनी सांगितले. भाजप नेतृत्वाने त्यांचे स्वागत करत आगामी काळात संघटनात्मक जबाबदाऱ्या दिल्या जातील, असे संकेत दिले.
या पक्षप्रवेशामुळे संबंधित मतदारसंघातील राजकीय समीकरणांमध्ये बदल होण्याची शक्यता वर्तवली जात आहे. आगामी निवडणुकांच्या पार्श्वभूमीवर हा प्रवेश भाजपसाठी महत्त्वाचा मानला जात आहे.