मेक्सिकोने भारत आणि इतर आशियाई देशांमधून येणाऱ्या सुमारे १,४०० हून अधिक उत्पादनांवर ५०% पर्यंत आयात शुल्क (टॅरिफ) लावण्यास मंजुरी दिली आहे. मेक्सिकन सिनेटने हे विधेयक मंजूर केले असून ते २०२६ पासून लागू होणार आहे.
या निर्णयामुळे सर्वाधिक प्रभावित होणाऱ्या उत्पादनांमध्ये खालील क्षेत्रांचा समावेश आहे:
ऑटोमोबाईल्स आणि ऑटो पार्ट्स
टेक्सटाईल व तयार कपडे
प्लॅस्टिक्स
स्टील आणि इतर धातू
मेक्सिको सरकारने हा निर्णय स्थानिक उद्योगांचे संरक्षण, देशांतर्गत उत्पादनवाढ, तसेच बाहेरील स्वस्त उत्पादने ओघ कमी करण्यासाठी घेतल्याचे स्पष्ट केले आहे.
तज्ज्ञांच्या मते, पुढील वर्षी होणाऱ्या अमेरिका–मेक्सिको–कॅनडा व्यापार कराराच्या (USMCA) पुनरावलोकनापूर्वी अमेरिकेसोबत अनुकूलता राखण्याचा प्रयत्न म्हणूनही या टॅरिफकडे पाहिले जात आहे.
दरम्यान, भारतातील मेक्सिकोमधील राजदूतांनी या निर्णयातून काही प्रमाणात सवलत मिळण्याची अपेक्षा व्यक्त केली आहे, कारण भारत आणि मेक्सिको यांच्यात थेट मुक्त व्यापार करार (FTA) नाही, तसेच दोन्ही देशांमधील द्विपक्षीय व्यापार सतत वाढत आहे.