पुणे दि. 25 : भूमिकेत पूर्णपणे एकरूप होण्यासाठी अनेक सिने अभिनेते आपल्या जीवनशैलीत बदल करत असतात. अशातच अभिनेता रणबीर कपूरने ‘रामायण’ चित्रपटासाठी मांसाहार आणि मद्यपान सोडल्याचा दावा गेल्या काही दिवसांत चर्चेत होता. मात्र आता हा दावा किती खरा आहे याबाबत सोशल मीडियावर नव्याने वाद सुरू झाला आहे.
नेटवर्कच्या ‘डायनिंग विथ द कापूस’ या रियालिटी शोमधील व्हिडिओमध्ये रणबीर कपूर मांसाहार खाताना दिसल्याचा आरोप नेटकरांनी केला आहे. त्यानंतर “रणबीरने मांसाहार सोडला होता, मग तो मांस कसा खातोय?” असा प्रश्न उपस्थित करत वापरकर्त्यांनी टीका सुरू केली.
2023 मधील एका मुलाखतीत रणबीरने स्वतः कबूल केले होते की ‘रामायण’मधील भूमिकेसाठी आणि प्रकृतीच्या कारणास्तव त्याने मांसाहार व मद्यपान पूर्णपणे सोडले आहे. “माझी मुलगी राहासाठी, तसेच स्वास्थ्यासाठी मी शाकाहारी झालो आहे. योग-ध्यान सुरू केले असून जीवनशैली सुधारत आहे,” असेही त्याने सांगितले होते.
परंतु आता मांसाहाराचा व्हिडिओ व्हायरल झाल्याने सोशल मीडियावर त्याच्यावर टीकेची लाट उसळली आहे. काहींनी त्याचे वक्तव्य खोटे असल्याचा आरोप केला असून, काहींनी हा व्हिडिओ जुन्या काळातील असल्याची शक्यता व्यक्त केली आहे. मात्र या दाव्यांबाबत अद्याप अधिकृत प्रतिक्रिया आलेली नाही.